ភ្នំពេញ÷នារីវ័យក្មេងចំនួន២នាក់បានស្លា ប់បាត់បង់ជីវិតនៅក្នុងបន្ទប់ជួលជាន់ទី០៣ នៅរាជធានីភ្នំពេញនិងម្នាក់ទៀតបានស្លា ប់នៅឯស្រុកកំណើតរបស់ខ្លួនបន្ទាប់ពីពួកគេទាំង៣នាក់បាននាំគ្នាទៅផឹកស្រាអុក លាយជាមួយនឹងទឹកភេសជ្ជៈដែលគេហៅថាស្ទីង។

ហេតុការណ៍គួរឲ្យភ្ញាក់ផ្អើលមួយនេះបានកើតឡើងកាលពីវេលាម៉ោង១២នឹង៥០នាទីរសៀល ថ្ងៃទី០២ ខែកញ្ញា ឆ្នាំ២០២១នេះ ត្រង់ចំណុចបន្ទប់ជួលជាន់ទី៣ នៅក្នុងភូមិ ៨ សង្កាត់ទន្លេបាសាក់ ខណ្ឌចំការមន រាជធានីភ្នំពេញ ។

ជនរងគ្រោះទាំង៣នាក់ដែលបានស្លា ប់បាត់បង់ជីវិតនោះទី០១ៈមាន ឈ្មោះ ស្រ៊ុន ស្រីកា ភេទស្រី អាយុ១៧ឆ្នាំ មុខរបរជានាក់សំអាងការ ជួលបន្ទប់ស្នាក់នៅកន្លែងកើតហេតុ។
ទី០២ៈ ឈ្មោះ ផល ដាវី ភេទស្រី អាយុ១៨ឆ្នាំ មុខរបរជាអ្នកសំអាងការ នាក់ទាំង២មានស្រុកកំណើតរស់នៅក្នុងភូមិអ្នកលឿង ឃុំ អ្នកលឿង ស្រុកពាមរត៍ខេត្តព្រៃវែង ។
ចំណែកជនរងគ្រោះទី០៣ៈមាន ឈ្មោះ ស្រី ថៃ ភេទស្រី អាយុ១៨ឆ្នាំ ស្នាក់នៅបន្ទប់ជួលកន្លែងកើតហេតុខាងលើដូចគ្នា មានស្រុកកំណើតរស់នៅ ស្រុកល្វាឯម ខេត្តកណ្ដាល។ (អ្នកទាំង៣ ស្លា ប់ដោយសារតែពុលស្រាអុកផឹកលាយហ្នឹងទឹកស្ទីង)

យោងតាមប្រភពព័ត៌មានដែលយើងទទួលបានពីប្អូនស្រីម្នាក់ បានប្រាប់ឲ្យដឹងថា នៅល្ងាចថ្ងៃទី០១ ខែកញ្ញា ឆ្នាំ២០២១នេះ បងស្រីរបស់ខ្លួនរួមជាមួយនឹងមិត្តភក្កិ ប្រុសស្រីចំនួន៣នាក់ទៀតបានបបួលនឹងនាំគ្នាទៅផឹកស្រាអុកនិងស្រាក្រឡុកអស់ជាច្រើនដប ដែលគេហៅថាស្រាសាំប៉ាញលាយជាមួយនឹងស្រាក្រហម យកមកអង្គុយផឹកជុំគ្នារួចរាល់ ជនរង់គ្រោះឈ្មោះស្រីកាម្នាក់នោះ ក៏បានជិះម៉ូតូធ្វើដំណើរទៅស្រុកកំណើតបាត់ទៅ ចំណែកបុរសម្នាក់ដែលត្រូវជាមិត្តភក្កិរបស់បងស្រីខ្លួននោះក៏បានចេញទៅបាត់ដែរនៅសល់តែបងស្រីរបស់ខ្លួនហើយនិងមិត្តភក្កិក៍បាននាំគ្នាឡើងទៅដេកនៅក្នុងបន្ទប់ជួលទាំង២នាក់បាត់អស់ទៅ។

រហូតមកដល់ព្រឹកថ្ងៃទី០២ ខែកញ្ញា ឆ្នាំ២០២១នេះ លោកពូម្នាក់ដែលត្រូវជាសាច់ញាតិរបស់ស្រីកា បានទទួលដំណឹងពីឪពុកម្ដាយខលទូរសព្ទមកប្រាប់គាត់ថាថ្នាំទៅមិត្តភក្កិរបស់គេផងព្រោះអីស្រីកានាងបានស្លាប់ហើយ ទើបគាត់ប្រញាប់ប្រញាល់ជាន់ខាងលើដើម្បីយកដំណឹងនេះទៅប្រាប់មិត្តភក្កិរបស់គេឲ្យបានដឹងផង ស្រាប់តែគាត់ឡើងទៅដល់មុខបន្ទប់ទ្វាស្រែកហៅគ្មានឮសូរសម្លេងឆ្លើយទាល់តែសោះព្រោះអីទ្វាបានចាក់គន្លឹះនៅពីខាងក្នុងទៀត ទើបគាត់មានការសង្ស័យក៏បានរត់ទៅប្រាប់ម្ចាស់ផ្ទះជួលហើយហៅឲ្យជួយមកគាស់ទ្វានិងដើម្បីចូលទៅក្នុងមើល ស្រាប់តែឃើញពួកគឺទាំងពីរដេកស្លាប់បាត់ទៅហើយបង្កឲ្យមានការភ្ញាក់ផ្អើលរួចក៏បានរាយការណ៍ជូនទៅប្រាប់សមត្ថកិច្ចមូលដ្ឋានឲ្យចុះមកត្រួតពិនិត្យមើល។

ក្រោយពេលទទួលបានដំណឹងនេះភ្លាមសមត្ថកិច្ចមូលដ្ឋានក៏បានចុះមកដល់ដើម្បីចូលទៅត្រួតពិនិត្យមើលឃើញថាអ្នកទាំងពីរបានដេកស្លាប់បាត់បង់ជីវិតបាត់ទៅហើយ ទើបសមត្ថកិច្ចយកខ្សែមកចងហ៊ំព័ទ្ធកុំឱ្យមានអ្នកចេញចូលរួចទាក់ទងទៅលោកគ្រូពេទ្យឱ្យចុះមកយកសំណាក់ជនរង់គ្រោះទៅធ្វើតេស្តជំងឺកូវីដ19 ជាមុខសិន លទ្ធផលអ្នកទាំងពីរគឺអវិជ្ជមាននៅកូវិដ19 ទើបប្រគល់ទៅឲ្យសមត្ថកិច្ចជំនាញធ្វើកំណត់ហេតុនិងកុសល្យវិច្ច័យរួចរាល់ក៏បានប្រគល់សពនារីរងគ្រោះទាំងពីរនាក់ទឹកឲ្យសាច់ញាតិនិងក្រុមគ្រួសារយកទៅធ្វើបុណ្យតាមប្រពៃណី។

ដោយ៖Press asia08