ព្រះសីហនុ÷រថយន្តកុងតឺន័រមួយគ្រឿងបើកបរក្នុងល្បឿនលឿនមិនប្រយ័ត្នបណ្ដាលឱ្យជ្រុលទៅបុកប៉ះជាមួយនឹងម៉ូតូមួយគ្រឿងរួចក៏បានរ៉េចង្កូតទៅបុកជាមួយនឹងរថយន្តមួយគ្រឿង ផ្លោងខ្ទាតធ្លាក់ចូលទៅក្នុងប្រឡាយទឹកហើយសង្កត់លើរថយន្តរងការខូចខាតយ៉ាងដំណំ។

ហេតុការណ៍គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង០៥នឹង៣៥នាទីល្ងាច ថ្ងៃទី០១ ខែកញ្ញា ឆ្នាំ២០២១នេះ ស្ថិតតាមបណ្ដោយផ្លូវជាតិលេខ៤ ត្រង់ចន្លោះគីឡូម៉ែត្រលេខ១៨៥នឹង១៨៦ ទល់មុខនឹងភូមិត្រពាំងស្អុយ២ ក្នុង ឃុំអណ្ដូងថ្ម ស្រុកព្រៃនប់ ខេត្តព្រះសីហនុ ។

យោងតាមប្រភពព័ត៌មានពីកន្លែងកើតហេតុបានឲ្យដឹងថានៅមុនពេលហេតុការនេះបានកើតឡើងគេបានឃើញបុរសម្នាក់បើករថយន្តកុងតីន័រម៉ាក Peterliet ក្បាលពណ៌សមួយគ្រឿងពាក់ស្លាកលេខភ្នំពេញ3D-1286 បើកបរដោយបុរសម្នាក់ធ្វើដំណើរតាមបណ្ដោយផ្លូវជាតិលេខ៤ក្នុងទិសដៅពីខេត្តព្រះសីហនុ មកភ្នំពេញក្នុងល្បឿនលឿន ខណៈពេលមកដល់ត្រង់នឹងចំណុចគីឡូម៉ែត្រលេខ១៨៥នឹង១៨៦ ក៏បានរេចង្កូតទៅបុកប៉ះជាមួយនឹងម៉ូតូមួយគ្រឿងម៉ាក Zomer មិនចាំពណ៌នឹងស្លាកលេខ រួចហើយរថយន្តបង្កក៍បានរេចង្កូតទៅបុកជាមួយនឹងរថយន្តម៉ាក Nissan Navira ពណ៌សមួយគ្រឿងពេញទំហឹងបណ្ដាលឲ្យផ្លោងខ្ទាតធ្លាក់ចូលទៅក្នុងប្រឡាយទឹកនៅក្បែរចិញ្ចើមផ្លូវរអឹល កន្ទុយធ្លាក់ទៅសង្កត់លើរថយន្តរងការខូចខាតយ៉ាងដំណំ តែសំណាងល្អអាមិនបង្កឲ្យមានអ្នកស្លា ប់និងអ្នករងរបួសនោះទេ ។

ក្រោយកើតហេតុ កម្លាំងកងរាជអាវុធហត្ថរបស់ស្រុកព្រៃនប់បានសហការគ្នាជាមួយនឹងកម្លាំងសមត្ថកិច្ចជំនាញចរាចរណ៍ចុះមកដល់ទីតាំងកន្លែងកើតហេតុដើម្បីជួយធ្វើការសម្របសម្រួលកុំឱ្យមានការកកស្ទះចរាចរណ៍នៅតាមដងផ្លូវជាតិលេខ៤ផងដែរ ។

បច្ចុប្បន្ន រថយន្តបង្ករហើយនិងរថយន្តរងគ្រោះខាងលើកំពុងរង់ចាំឡានមកស្ទូចរួមជាមួយនឹងវត្ថុតាងយកទៅរក្សាទុកនៅឯកន្លែងអធិការដ្ធាននគរបាលចរាចរណ៍ផ្លូវគោក ស្រុកព្រៃនប់រង់ចាំធ្វើការដោះស្រាយគ្នាទៅតាមនិតិវិធីច្បាប់។

រាយការណ៍ដោយ៖press asia08