នាព្រឹកថ្ងៃចន្ទ ៧ កើត ខែភទ្របទ ឆ្នាំឆ្លូវ ត្រីស័ក ពុទ្ធសករាជ ២៥៦៥ ត្រូវនឹងថ្ងៃទី១៣ ខែកញ្ញា ឆ្នាំ២០២១ ដោយព្រះរាជហឫទ័យប្រកបដោយព្រះរាជមេត្តា ករុណាគ្មានព្រំដែនដ៏ថ្លៃថ្លាបំផុតសម្តេចព្រះអភិសិរីសុគន្ធាមហាសង្ឃរាជាធិបតី កិត្តិឧទ្ទេសបណ្ឌិត បួរ គ្រី សម្តេចព្រះមហាសង្ឃរាជនៃគណៈធម្មយុត្តិកនិកាយ នៃព្រះរាជាណាចក្រកម្ពុជា និងជាព្រះសាកលវិទ្យាធិការនៃពុទ្ធិកសាកលវិទ្យាល័យព្រះសីហមុនីរាជា ស្តេចទ្រង់យាងជាព្រះរាជាធិបតីភាពក្នុងពិធីសំណេះសំណាលសួរសុខទុក្ខ និង ប្រោសព្រះរាជទានព្រះរាជអំណោយចែកជូនលោក-លោកស្រី វេជ្ជបណ្ឌិត គិលានុប្បដ្ឋាយិកា ប៉ុស្តិ៏សុខភាពសម្តេចព្រះមហាសង្ឃរាជ បួរ គ្រី ព្រះករុណាព្រះមហាក្សត្រសីហមុនី និងលោកគ្រូ អ្នកគ្រូបង្រៀនបឋមសិក្សានិងវិទ្យាល័យសម្តេចព្រះមហាសង្ឃរាជ បួរ គ្រី នៅក្នុងកម្មវិធីក៏មានការយាងនិមន្តអញ្ជើញចូលរួមពីសម្តេចព្រះសង្ឃនាយករង ឯកឧត្តម លោកជំទាវ ឧកញ៉ានិងសមាជិក សមាជិកាសសយ សកលវិទ្យាល័យព្រះសីហមុនីរាជា និងក្រុមការងារមនុស្សធម៍សម្ដេចព្រះមហាសង្ឃរាជ បួរ គ្រីនៅភូមិត្រពាំងក្រពើ ឃុំក្រាំងម្កាក់ ខេត្តកណ្តាល ចំនួនចំនួន១៣០រូបក្នុងមួយម្នាក់ៗទទួលបានអង្ករ ២០គីឡូ មី១កេស ទឹកផ្លែឈើមួយកេសតូច។

ក្នុងនោះដែរ សម្តេចព្រះមហាសង្ឃរាជ ជាអម្ចាស់ បានប្រោសប្រទាន ម៉ាស់ ៧៥០០ម៉ាស់ និងថវិការ ៥លានរៀនសម្រាប់ទិញថ្នាំ ចង្ហាន់ និងប្រើប្រាស់ សម្រាប់មនុស្សធម៍នៅប៉ុស្តិ៍សុខភាព សរុបថវិកាទាំងអស់ 17 410 000៛និងសូមថ្លែងអំណរគុណនិងជូនបុណ្យកុសល ឯកឧត្តម លោកឧកញ៉ា លោក-លោកស្រី សប្បុរសជនដែលបានចូលរួម រីករាយជ្រះថ្លាះអនុមោទនាមហាកុសល និង សូមបានសម្រេចមគ្គផល ហេីយដល់នូវសេចក្តីសុខ សេចក្តីចម្រេីនតរៀងរហូតទៅ៕

ដោយ៖សហការី Press Asia